Norled vann anbod: No blir det fleire batteriferjer i Sogn
Jubelen stod i taket i Norled sine lokale i går. Ferjeselskapet danka ut sin argaste konkurrent og får om lag fullstendig dominans i ferjetrafikken i Sogn. Batteriferjene vil for alvor gjere sitt inntog.
Selskapet Norled vann konkurransen om både sambandet Manheller – Fodnes og trekantsambandet Hella–Vangsnes–Dragsvik.
– Vi vart kolossalt glade. Det er ein enorm glede hos oss, seier Lars Jacob Engelsen, viseadministrerande direktør i Norled.
Dei ringde med skipsbjella og jubla då dei tok imot beskjeden, fortel Engelsen.
– Sjølv om vi er eit stort selskap som omset for 2,3 milliardar og har 80 fartøy så betyr dette kolossalt mykje for oss.
Ladbare ferjer
Norled var først ute med batteridrivne ferjer, på sambandet Lavik–Oppedal lengst ute i Sognefjorden. No kjem batteriferjene for alvor inn på andre samband.
Norled opplyser at det på Manheller–Fodnes vil det kome batteriferjer som vil ta 120 bilar kvar. Også på trekantsambandet Hella–Vangsnes–Dragsvik vert det batteriferjer, totalt tre ferjer med ein samla kapasitet på minimum 200 bilar.
– Dette er eit viktig område for oss og det vert fleire elektriske ferjer på Sognefjorden. Vi har ganske mykje aktivitet i fylket og er stolt over det.
– Bittert
Konkurransen mellom Norled og Fjord1 var svært tett. På kontrakten til over 1,8 milliardar var skilnaden på dei to anboda berre rundt 3 millionar kroner. Fjord1 legg ikkje skjul på at tapet er bittert.
Les meir på sidene til NRK Sogn og Fjordane
Jubelen stod i taket i Norled sine lokale i går. Ferjeselskapet danka ut sin argaste konkurrent og får om lag fullstendig dominans i ferjetrafikken i Sogn. Batteriferjene vil for alvor gjere sitt inntog.
Selskapet Norled vann konkurransen om både sambandet Manheller – Fodnes og trekantsambandet Hella–Vangsnes–Dragsvik.
– Vi vart kolossalt glade. Det er ein enorm glede hos oss, seier Lars Jacob Engelsen, viseadministrerande direktør i Norled.
Dei ringde med skipsbjella og jubla då dei tok imot beskjeden, fortel Engelsen.
– Sjølv om vi er eit stort selskap som omset for 2,3 milliardar og har 80 fartøy så betyr dette kolossalt mykje for oss.
Ladbare ferjer
Norled var først ute med batteridrivne ferjer, på sambandet Lavik–Oppedal lengst ute i Sognefjorden. No kjem batteriferjene for alvor inn på andre samband.
Norled opplyser at det på Manheller–Fodnes vil det kome batteriferjer som vil ta 120 bilar kvar. Også på trekantsambandet Hella–Vangsnes–Dragsvik vert det batteriferjer, totalt tre ferjer med ein samla kapasitet på minimum 200 bilar.
– Dette er eit viktig område for oss og det vert fleire elektriske ferjer på Sognefjorden. Vi har ganske mykje aktivitet i fylket og er stolt over det.
– Bittert
Konkurransen mellom Norled og Fjord1 var svært tett. På kontrakten til over 1,8 milliardar var skilnaden på dei to anboda berre rundt 3 millionar kroner. Fjord1 legg ikkje skjul på at tapet er bittert.
Les meir på sidene til NRK Sogn og Fjordane