Håkon Lunde
Active Member
Ny rute mellom Bergen og Stavanger
Som ein del av satsinga på Mongstad, vil reiarlaget Wilhelmsen byggja to lasteskip, som begge skal bruka hydrogen som drivstoff.
– Vi planlegg to skip som skal gå i fast rute mellom Mongstad og Stavanger, med anløp i åtte hamner, seier Steinar Madsen.
Han er prosjektleiar i skipsprosjektet som har fått namnet Topeka. Målet med dei to skipa er å flytta gods frå vogntog på E39 til sjø mellom bergensområdet og Stavanger. Og samstundes å gå frå diesel til nullutslepp i varetransporten.
Skipa vil få ein kapasitet som svarar til 60 vogntog i døgeret. Målet er å få 20.000 av dei over 100.000 vogntoga, som årleg rullar mellom dei to byområda, over på sjøtransport.
– Skipa blir ein ny standard, dei får utsleppsfri rekkevidd på 700 kilometer. Det blir som å gå frå Buddy til Tesla på havet, seier Madsen.
Dei nye skipa skal også distribuera hydrogen frå fabrikken på Mongstad til seks oljebasar. Dette blir så fyllestasjonar for hydrogen til kystskipsfarten i framtida. Også distribusjonen av det nye drivstoffet blir konteinarbasert.
Satsar på oljeselskapa
– Last for oljeselskapa blir solen som denne ruta skal byggast på i byrjinga. Det er derfor ein føresetnad at oljeindustrien stiller opp, og er med for å få ned CO₂-utsleppa sine. Men vi treng også å få med andre som skal ha varer frakta, og som vi snakkar med no. Eg trur dette er rette tida, då mange seriøse verksemder no jobbar for å få ned klimaavtrykket, seier Madsen.
Han peikar på at dette breie industrisamarbeidet som her er i gang, er ein føresetnad for å få til ein overgang til hydrogen som maritimt drivstoff.
Ifølgje Madsen er kvart av dei nye skipa estimert til å kosta mellom 350 og 400 millionar koner.
– Den totale investeringa blir på over 700 millionar kroner, og vi vonar at norske verft vil vera med her. Fleire norske industriverksemder er alt inne i prosjektet, og skipa vert teikna av LMG marin i Bergen, seier Madsen.
Topeka-prosjektet har alt inne ein søknad om støtte i EU-systemet til utvikling av brenselcellene. Wilhelmsen vil dessutan søka støtte frå Enova.
Bilde Wilhelmsen / lmg marine.
Som ein del av satsinga på Mongstad, vil reiarlaget Wilhelmsen byggja to lasteskip, som begge skal bruka hydrogen som drivstoff.
– Vi planlegg to skip som skal gå i fast rute mellom Mongstad og Stavanger, med anløp i åtte hamner, seier Steinar Madsen.
Han er prosjektleiar i skipsprosjektet som har fått namnet Topeka. Målet med dei to skipa er å flytta gods frå vogntog på E39 til sjø mellom bergensområdet og Stavanger. Og samstundes å gå frå diesel til nullutslepp i varetransporten.
Skipa vil få ein kapasitet som svarar til 60 vogntog i døgeret. Målet er å få 20.000 av dei over 100.000 vogntoga, som årleg rullar mellom dei to byområda, over på sjøtransport.
– Skipa blir ein ny standard, dei får utsleppsfri rekkevidd på 700 kilometer. Det blir som å gå frå Buddy til Tesla på havet, seier Madsen.
Dei nye skipa skal også distribuera hydrogen frå fabrikken på Mongstad til seks oljebasar. Dette blir så fyllestasjonar for hydrogen til kystskipsfarten i framtida. Også distribusjonen av det nye drivstoffet blir konteinarbasert.
Satsar på oljeselskapa
– Last for oljeselskapa blir solen som denne ruta skal byggast på i byrjinga. Det er derfor ein føresetnad at oljeindustrien stiller opp, og er med for å få ned CO₂-utsleppa sine. Men vi treng også å få med andre som skal ha varer frakta, og som vi snakkar med no. Eg trur dette er rette tida, då mange seriøse verksemder no jobbar for å få ned klimaavtrykket, seier Madsen.
Han peikar på at dette breie industrisamarbeidet som her er i gang, er ein føresetnad for å få til ein overgang til hydrogen som maritimt drivstoff.
Ifølgje Madsen er kvart av dei nye skipa estimert til å kosta mellom 350 og 400 millionar koner.
– Den totale investeringa blir på over 700 millionar kroner, og vi vonar at norske verft vil vera med her. Fleire norske industriverksemder er alt inne i prosjektet, og skipa vert teikna av LMG marin i Bergen, seier Madsen.
Topeka-prosjektet har alt inne ein søknad om støtte i EU-systemet til utvikling av brenselcellene. Wilhelmsen vil dessutan søka støtte frå Enova.
Bilde Wilhelmsen / lmg marine.